حب + حب+ صدمة شهور

[مها الحربي]

كان ياما كان فيه شاب اسمه بدر بدر هذا كان في السنه الثالثه في الكليه راح للمحل لبيع الكتب القديمه والمستعمله وذي المكتبه تبيع الكتب الرخيصه اشترا الكتاب واخذ يذاكر فيه لانه عنده اختبار اليوم الثاني ((طبعا هذي الطرق لنا كلنا في الاختبارات مانفتح الكتاب وما ندور عليه الا اذا كان علينا ثاني يوم)) المهم لا يكثر كلامي فتح الكتاب وبدأ بسم الله يوم فتح الصفحة البيضاء اللي بعد الغلاف لقيها مكتوبة بقلم حبر ناشف،ومشخبط شخابيط ((واضح إنه مكروف لين قال آمين،من زود المذاكره)) المهم .. عرف بدر من الشخابيط المكتوبه على الكتاب والي فهمه منها ان هذا الكتاب طلع لبنت قبل ما تبيعه (يا عمري توها زانت المذاكرة لبدر) والغريب إنها كاتبة كلام على الكتاب وش كاتبه ياترا شوفوا معي هذا الكلام : أنا أدري إنك أول ما تقرا الورقة ذي بتنهبل، بس خلّني أقول لك شي.. أنا صراحة مثلك في الكلية ومقهورة.. ما كتبت هالكلام إلاّ من القهر.. وعندي إحساس إنك بتقدّر ظروفي كونك مثلي عايش نفس الأجواء الحين )!! وقامت تسب في دكتورة اسمها ..؟؟ والدكتوره الثانيه واسمها؟؟.. !! وبعد ما شبعت من سبّهم حبيبتنا .. قالت: وعموماً فرصة سعيدة جداً إني تعرفت عليك، وأشكرك على قراءة كلماتي بس والله ما كتبت إلاّ من الطفش عموماً- أنا فضولية شوي.. ممكن بعد ما تخلّص من الكتاب.. تكتب لي على الوجه الثاني ردّك لي.. ورجعه وأنا بقرا ردّك.. وإن شاء الله إني أبي أجي أشتريه في تاريخ كذا كذا ) طالع بدر في التاريخ.. لقيه بكره !!!!!؟ ياساتر وش يسوّي؟ طيب هو ما ذاكر.. وش ذا الحظ؟ ((والله يابدر إنك خقيت يعني رحت وطي). وقرر إنه يكتب لها الرد وبرجّعه.. بس قبل كل هذا راح وصور الفصول اللي داخله بالاختبار عشان يذاكرها((وش ذا العنا يابدر )) ضبط لها رد محترم وصلح الامور وراح بدير يرد الكتاب للمكتبه بس قبل لا يرده كتب لها: ترى أبي أشتريه عقب أسبووع .. ((مو بهين بدير يحدد ويشترط)) وفعلا خويتنا اشترته وقرته وردته قبل يخلص الاسبوع ((حشا مواعيد سندريلا) طبعا من الكسبان بذا الموال كله أكيد عرفتم الزوووول صاحب المكتبه المهم قعدوا على هالحال المايل مده طويله تقريبا ثلاث اشهر الله لا يقردنا لا وبعد صارالزول صاحب المكتبه ما يحطّه في الدرج.. خلاص فهم عليهم وصار يخليه عنده على الطاولة ويسلمه له أو لها أول ما يجون .. جا وقت بدير ياخذ الكتاب من المكتبه وفي اليوم الي بدر جا ياخذ الكتاب راح للمحل لقيه الكتاب مباع ((كلكم انقهرتم صح خصوصا البنيات الي عجبتهم الطريقه المهم )) سأل الـزووول : الكتاب اللي بعته لك أمس وينه؟ قال: امبارح جاء رجل واخذ الكتاب!! قاله بدر: يا ابن الحلال قل غير هالكلام الكتاب قديم ومعفّن وأوراقه نصها كتابات.. قال: آآآآآي عليك الله أخدوه الزول الكتاب الأصفر .. المهم طلع وركب السيارة.. ويوم وصل الإشارة قال لنفسه : لحظة يا رجال، الـ..... الحين يقول الكتاب الأصفر.. يا خي هو أحمر أصلا مهوب أصفر .. المهم ديور بسرعة ودخل المحل بسررررعة.. تتوقعون وش شاف ؟!!! لقي الزووووووول ابن الذين ماسك كتابه الأحمر وقاعد يكتب الرسالة اللي أنتظرها في صفحة من الصفحاااات طلع الخال صاحب المكتبه هو اللي خاق معه بدر من مده وسلامتكم وتابعوني في قصه جديده من قصصي الخياليه لا تحرموني من ردكم وانتقاداتكم الموضوع الأصلي: حب + حب+ صدمة شهور || الكاتب: مها الحربي || المصدر: نشيج المحابر الادبية

 

[افلاطون زمانه]

ههههههههههههههه اسلوب تسويق رهيب مشكلة اللي يركضون ورى سراب خصوصا في الشبكة العنكبوتية يعطيك اعافية اخت مها تحياتي لكم

 

[انوار]

هههههههههههههههه والله صج صدمه عموما تصير أمور أكثر من هالقصة ونسمع عنها الكل يمشي مصدوم خخخخخخخخخ تسلم يمينك مها

 

[غليص]

هههههههههههههه قصه قولي قصص اشبه بالخيال تشكرات

 

[كظيم]

مهاوى قصه مضحكه ولا فى الاحلام مشكوره على النقل الحلو امتعينا بالجديد يالغلا

 

[مها الحربي]

والله وجودكم اسعدني ومروركم ونسني الله يسعدكم ولا خلى ولا عدم

 

[ساره العيسى]

مادري انه عندك خفت دم حتى فى القصص هههههههههههههههه

 

[وليد بن إبراهيم]

هههههههههههههه من صج صدمة قوية لو انا مكانه لوريت الزول ولينته بالسير للي معي خخخخخخخخ شكرا على القصة الجميلة

 

[مها الحربي]

ههههههههههههه مروركم والله اسعدني لا خلا ولا عدم

 

[نظرات صامته]

قصة فكاهية جميلة يعطيك العافية وأمتعينا بالمزيد